Mooiplaas Trou & Funksie, ‘n spesiale naweek weg, waar die belofte begin onder ‘n wildevy-boom, die avontuur van die liefde, die belofte dat jul mekaar vir altyd sal bemin.
‘n Geskilderde troue knus geleë tussen die Waterberg, uniek, asemrowend en enig in sy soort, met ‘n stoep rooier as Robyn wat uitkyk oor die lieflike Granadilla boord.
Saam met familie & vriende word dié dag gedeel, deur ‘n glasie te klink en heerlike boerekos te waardeer. Die onthaal het ‘n onbeskryflike atmosfeer, daarom nooi ons jul om die bruilof hier te kom deel. Mooiplaas is beslis iets besonders & soveel meer, ons stukkie Kaap in die hartjie van die Bosveld!
Ons indrukwekkende saal kan ‘n minimum van 70 gaste en ‘n maksimum van 300 gaste akkommodeer. Met ‘n pragtige opelug kapel, wat omring word met bosveld en wild, asook met ‘n agtergrond van ons granadilla boorde. Elke bruilof verdien ‘n kenmerkende feesmaal! Gaste geniet ‘n heerlike oestafel, voorgesit met ‘n verskeidenheid peuselhappies en heerlike vars brode vir voorgereg. Daarna sit gaste aan vir ons hoofmaal buffet wat enige mond sal laat water, asook vir die nagereg.
Laat dit in ons hande oor om te verseker dat julle bruilof stresvry en glad sal verloop. Ons bekwame personeel is bereid om die ekstra myl te gaan sodat jul hierdie dag kan geniet